१
Advertisement
डिल बहादुर शाही
नेपालगञ्ज। लुम्विनी प्रदेश प्रहरी अस्पताल नेपालगञ्जमा करीव ९ करोडको लगानीमा नवनिर्मित भवनको लुम्बिनी प्रदेशका मुख्यमन्त्री चेतनारायण आचार्यले उद्घाटन गर्नुभएको छ ।
उक्त भवनमा रहेको अप्रेसन थ्रियटर कक्षको अवलोकन गर्दे अप्रेसन थ्रियटरमा आवश्यक मेसिनरी सामानहरु उपलव्ध गराउने प्रतिवद्दता व्यक्त गर्नुभएको थियो ।
सो कार्यक्रममा मुख्यमन्त्री आचार्यले प्रदेश सरकारले प्रहरी अस्पतालको स्तरवृद्धिमा विशेष ध्यान दिने बताउँदै यसलाई १५ शैयामा सीमित नराखी ५० शैयाको अस्पतालका रूपमा विस्तार गरी सेवा थप गर्र्नका लागि प्रदेश सरकारको तर्फवाट पुर्यासहयोग रहने वताउनुभएको छ ।
मुख्यमन्त्री आचार्यले भन्नुभयो,’यसलाई १५ शैयामा सीमित गर्नु हुँदैन । अबिलम्ब आवश्यक पर्ने कागजातहरू प्रदेशको स्वास्थ्य मन्त्रालयमा पठाउन निर्देशन दिन चाहन्छु । प्रदेश सरकारको तर्फबाट यसलाई विधिवत रूपमा ५० शैयाको अस्पतालका रूपमा स्तरवृद्धि गरेर अगाडि बढाउने छौँ ।’
लुम्बिनी प्रदेशका आन्तरिक मामिला तथा कानून मन्त्री आदेश अग्रवाल र स्वास्थ्य मन्त्री खेम सारुले प्रदेश सरकारले प्रहरी अस्पतालका लागि निरन्तर सहयोग गर्ने प्रतिवद्धता जनाउनुभयो ।
कार्यक्रम लुम्बिनी प्रदेश प्रहरी प्रमुख, प्रहरी नायव महानिरीक्षक राजेन्द्रप्रसाद भट्टको अध्यक्षता र मुख्यमन्त्री आचार्यको प्रमुख आतिथ्यतामा सम्पन्न भएको थियो । नेपाल प्रहरी अस्पताल, महाराजगञ्ज काठमाडौँका प्राविधिक प्रहरी नायव महानिरीक्षक डाक्टर गोपेश कुमार ठाकुरले धन्यवाद ज्ञापन गर्नुभएको थियो .स्वागत मन्तव्य प्रहरी अस्पताल नेपालगञ्जका प्रमुख प्रा.प्रहरी वरिष्ठ उपरिक्षक डा.दीपा न्हुज्छे प्रधान ले गर्नुभएको थियो ।
कार्यक्रमको सहजीकरण प्राविधिक प्रहरी नायव उपरीक्षक डाक्टर श्यामकृष्ण लौडारीले गर्नुभएको थियो ।
