१
Advertisement
महेन्द्रनगर–सुदूरपश्चिम प्रदेश स्तरिय औद्योगिक व्यापार मेला तथा कञ्चनपुर महोत्सव २०८१ संञ्चालन गर्न आवश्यक सामाग्रि तथा सेवा आपूर्ति गर्न कञ्चनपुर उद्योग बाणिज्य संघद्धारा कोटेसन माग गरिएको छ । आईतबार कञ्चनपुर उद्योगबाणिज्य संघ कञ्चनपुरले आईतबार एक सूचना जारी गरी मेला संञ्चालनका लािग आवश्यक पर्ने सामाग्रि तथा सेवा खरिद गर्न कोटेशन माग गरेको हो ।
संघले स्टल निर्माण, सुरक्षा, साउण्ड सिस्टम, छपाई, यातायात, पार्किङ र आवास शिर्षकमा मेला संञ्चालन गर्दा आवश्यक पर्ने सामाग्रि तथा सेवा आपूर्तिका लागि ईच्छुक फर्म, कम्पनी, संस्थालाई सूचना प्रकाशित भएको मितिले ५ दिनभित्र कोटेशन पेश गर्न सूचना प्रकाशित गरेको छ ।
उद्योग बाणिज्य संघद्धारा प्रकाशित सूचनामा स्टल निर्माणतर्फ ५ वटा स्वागतद्धार, १०/१० वटा शौचालय/टिकट घर, वटा स्टेज(३२बाई४०) र टिनको छाना र छेकवार सहितको २५० वटा स्टलका लागि कोटेशन माग गरिएको छ । त्यसैगरी सुरक्षातर्फ सुरक्षाकर्मी महिला र पुरुष गरि ३० जना, सिसि क्यामरा २५ वटा र ओकेटोके २० थानका लागि कोटेशन माग गरिएको छ । साउण्डसिस्टमतर्फ साउण्डसिस्टम पुरा एक सेट आपूर्तिका लािग कोटेशन माग गरिएको छ । छपाईतर्फ ३ वाई ८ साईजको रंगिन टिकट एक लाख ३० हजार थान, फ्याक्स व्यानर २५०० स्वाईर फिट, व्रोसर एफोर साईज रंगिनमा ५ सय प्रति, पम्पलेट एथ्रि साईज रंगिनमा ३ हजार प्रति छाप्नका लागि कोटेशन माग गरिएको छ । त्यसैगरी यातायाततर्फ प्रतिदिन जिप भाडा(ईन्धनसहित) एक वटा माग गरिएको छ ।
त्यसैगरी आपूर्तिकर्ताले आवासतर्फ सुपर डिलक्स/डिलक्स कोठा, साधारण कोठा, खाना(ननभेज/भेज) र नास्ता(पुरी तरकारी) आपुर्तिका लागि कोटेशन पेश गर्न सक्नेछन् । त्यसैगरी पार्किङ सेवाका लािग न्यूनतम शूल्क रु ३५ हजार भन्दा बढिको कोटेशन पेश गर्नुपर्नेछ ।
कोटेशनका साथ फर्म/कम्पनिदर्ता प्रमाणपत्रको प्रतिलिपि, कर चुक्ता प्रमाणपत्रको प्रतिलिपि, सुरक्षको हकमा विगतमा मेलामा काम गरेको अनुभव हुनुपर्ने , नेपाल सरकारको सम्बन्धित निकायमा दर्ता र आव २०८०/०८१ को कर चुक्ता प्रमाण पत्रपेश गर्नु पर्नेछ ।
