डडेल्धुरामा चट्याङ लागेर मृत्यु भएकाका परिवारलाई २ लाख राहत

महेन्द्रनगर–डडेल्धुराको परशुराम नगरपालिका–१० मा चट्याङबाट मृत्यु भएका व्यक्तिको परिवारलाई राहतस्वरुप २ लाख प्रदान गरिएको छ । शुक्रबार प्रमुख जिल्ला अधिकारी चोमेन्द्र न्यौपानेले मृतक अमर बहादुर विष्टकी श्रीमती पार्वती देवीलाई दुई लाखको चेक हस्तान्तरण गरेका हुन् । जिल्ला विपद् व्यवस्थापन समितिले विपदमा परि मृत्यु भएका व्यक्तिका परिवारलाई २ लाख राहत वितरण गर्ने गरेको छ ।

अमर बहादुर विष्टको गत भदौ १६ गते चट्याङ लागेर मृत्यु भएको थियो । रुडुक डडेल्धुराले पनि परशुराम नगरपालिका प्रमुख भरत बडायर जोशीमार्फत मृतक बिष्टको परिवारलाई ‘वास किट’ वितरण गरेको छ । यसअघि परशुराम–८ की प्रतिभा धामीको परिवारलाई पनि २ लाख राहत वितरण गरिएको थियो ।