१
Advertisement
बैशाख २३ काठमाडौं । माउन्टेन मल्टिपल कन्सल्टेन्सीका प्रबन्ध निर्देशक प्रविन कुमार बलले उच्च शिक्षा अध्ययनका लागि जापान जाने विद्यार्थीहरुलाई बधाई तथा विदाई कार्यक्रम सम्पन्न गरेका छन् ।
उच्च शिक्षा हासिल गर्नका लागि जापान जान लागेका ३३ जना विद्यार्थीलाई उज्वल भविष्यको कामना गर्दै शनिबार मध्यपुरथिमिको गट्ठाघर स्थित ‘जर्मन होम हस्पिटालिटी’ मा कार्यक्रमको आयोजना गरिएको हो ।
स्वागत तथा विदाई कार्यक्रममा प्रमुख अतिथिका रुपमा देब घिसिङले पानसमा दीप प्रज्वलन गरी उद्घाटन गर्नु भएको थियो ।
अतिथिहरु बबरमान तामाङ, राजेन्द्र कुमार मोक्तान, श्याम लाल योञ्जन, हिरा लाल दोङ्ग, अभय मोक्तान, सुमन कुमार मोक्तान लगाएत पत्रकार सहित जापान जाने विद्यार्थीहरुलाई खादा र मायाको चिनो प्रदान गरी बधाई तथा विदाई गरिएको थियो ।
माउन्टेन मल्टिपल कन्सल्टेन्सी भक्तपुर र चाबहिल शाखाबाट आवेदन दिएका शत प्रतिशत विद्यार्थीहरुले भिषा प्राप्त गरेको प्रबन्ध निर्देशक प्रविन कुमार बलले बताउनुभयो ।
उहाँले भन्नुभयो– ‘हामीले शत प्रतिशत नतिजा निकाल्न सफल भयौं । विद्यार्थीहरुका लागि यो खुसीको कुरा हो। नेपालमा उच्चशिक्षा हासिल गरे पनि रोजगारीको अवसर नपाउनु र विदेशमा पढ्दै काम गर्न पाउने भएपछि पछिल्लो समय धेरै विद्यार्थीको रोजाई नै जापान जानेसंगै विद्यार्थीहरुको सहजतालाई मध्येनजर गर्दै चाबहिलमा पनि शाखा कार्यालय रहेको बताउनुभयो ।
